СДСМ обвинува: Злоупотреби со европски пари од Еразмус+ поврзани со ВМРО-ДПМНЕ
Според обвинувањата, во периодот од 2014 до 2017 година, кога Ана Михајлов (тогаш Митровска) била одговорна за евалуаторите во Агенцијата, заедно со својата соработничка Дорина Ѓорчева Митровска биле доделени над 8 милиони евра европски средства. СДСМ повикува истрагата да утврди дали овие средства биле распределени законски или се работи за проневера.
Според СДСМ, злоупотребите со милионите евра од програмата Еразмус+ водат директно кон поранешното раководство на ВМРО-ДПМНЕ.
Партијата обвинува дека Владата на Мицкоски назначила за вршител на должност директор на Националната агенција за европски образовни програми лице кое се наоѓа под активна истрага на ОЛАФ – Европската канцеларија за борба против измами.
СДСМ наведува дека станува збор за „скандал без преседан“ кој ја урива довербата во институциите и додава дека ВМРО-ДПМНЕ се обидела да ја заташка вистината.
Според обвинувањата, во периодот од 2014 до 2017 година, кога Ана Михајлов (тогаш Митровска) била одговорна за евалуаторите во Агенцијата, заедно со својата соработничка Дорина Ѓорчева Митровска биле доделени над 8 милиони евра европски средства. СДСМ повикува истрагата да утврди дали овие средства биле распределени законски или се работи за проневера.
Партијата исто така прашува за улогата на Бошко Нелкоски, првиот директор на агенцијата и ментор на сегашната вршителка на должност, и за поврзаноста со фирмите „Силвер Лион Сервисес“ и „Агронимија Органика“, oдносно дали и тие се дел од истата мрежа на сомнителни тендери идентификувани од ОЛАФ.