Како Додик ја минува границата: Влегувам во автомобилот и возам, никој никогаш не ме запира

Претседателот на ентитетот на Република Српска, Милорад Додик, вчера по посетата на Москва се врати во Босна и Херцеговина, а синоќа во програмата на РТРС зборуваше за тоа како ја минува државната граница.

На прашањето како ја минува државната граница и покрај активната потерница, тој одговори дека патува со автомобил и дека никој не го запрел.

„Влегувам во автомобилот и поминувам низ граничниот премин како порано. Никој досега не ме спречил, продолжив да поминувам. Каква е таа земја во која не се верува на една од полициските агенции“, рече тој и додаде дека наскоро планира повторно да патува надвор од Босна и Херцеговина.

„Клучниот проблем со сето ова е нивниот идиотски напор да ги спречат моите патувања, бидејќи ако останете заглавени овде, замрзнати, а никој не дојде кај вас, не одите никаде, тогаш тие успеале во намерата“, додаде Додик.

Потсетуваме дека граничната полиција на БиХ води истрага за тоа како Додик ја минал границата, со оглед на тоа што има информации дека делегацијата користела ротациони светла и без задолжително застанување, го минувала граничниот премин Рача.

Претходно државната граница ја мина и претседателот на Народното собрание на Република Српска, Ненад Стевандиќ, кој отиде во Србија на денот на големите студентски блокади на 15 март. Тој по неколку дена се врати во Босна и Херцеговина, а за јавноста останува непознато како се вратил во земјате.

Двајцата, заедно со премиерот на РС, Радован Вишковиќ, се осомничени во случајот покренат од Обвинителството на БиХ во врска со кривичното дело нарушување на уставниот поредок.