„Крешник го уапсија за да го оттргнат вниманието“, вели сопругата на Бектеши

Илка Каба Бектеши, сопруга на попранешниот министер за економија, Крешник Бектеши, кој доби 30-дневен притвор за пожарот во Кочани, вели дека неговото апсење е оттргнување на вниманието од вистинските виновници и дека самиот отишол во полициска станица по добиена покана. Таа тврди дека го пуштиле да си оди дома, но откако се подготвил да излезе од станица, му кажале дека му одредуваат 24-часовна мерка.

„По 3 минути подготвување за заминување, најавуваат дека одредуваат 24-часовна мерка, без никакво предупредување или присуство на бранител, го земаат Крешник со врзани раце за да го испратат во Кочани. Едно нешто што треба да се увери е дека не може да се одвлече вниманието на луѓето од вистинските виновници. За да се добие согласност од Министерството за економија, прво потребна е согласност од општина Кочани, Министерството за транспорт, Министерството за внатрешни работи, Пазарниот инспекторат и на крајот Министерството за економија. Медиумските наслови дека поранешниот министер е уапсен се оттргнување на вниманието од вистинските виновници, непочитување на медиумите кои по секоја цена ја пренесуваат вистината. Крешник ниту бил причина за пожарот, ниту бил на должност во моментот кога се случила трагедијата. Тие политичари што демек не претставуваат само со албанско име ви кажуваат дека делата се веќе познати. Синоќа мојот адвокат ме извести дека обвинителот побарал затворска казна од 30 дена за Крешник. Сега сè почнува за мене како сопруга, како мајка на децата на Крешник… израснавме еден до друг во секоја димензија, ова ќе биде само предизвик уште еднаш да си докажеме еден на друг дека сме го направиле вистинскиот избор.
Држи ја главата високо, Крешник“, напиша таа.

Бектеши е осомничен како дел од целиот систем кој предизвикал да дојде до трагедијата во Кочани.