АктуелноБалкан

(Видео) Во Белград се очекува масовен протест – најголем во историјата на Србија

Студентите синоќа на повеќето белградски факултети се собраа во центарот на Белград на Теразије, каде приредија спектакуларен пречек за студентите велосипедисти и пешаци кои веќе неколку дена пешачат и возат кон главниот град за да учествуваат на денешниот голем протест.

Од Triling Mk 7

Во главниот град на Србија денеска попладне (16 часот) се очекува да почне голем протест предводен од судентите во блокада, што се смета за кулминација на 3,5-месечните демонстрации кои започнаа со загинувањето на 15 лица при уривање на реконструирана настрешница на железничката станица во Нови Сад.

Студентите бараат политичка и правна одговорност за несреќата во Нови Сад. Протестот во Белград доаѓа по масовните собири организирани од студентите во Нови Сад, Крагуевац и Ниш, како и во помалите општини ширум Србија.

Владата и српскиот претседател Александар Вучиќ тврдат дека барањата на студентите се исполнети. Студентите и академската заедница го отфрлаат тоа.

Студентите синоќа на повеќето белградски факултети се собраа во центарот на Белград на Теразије, каде приредија спектакуларен пречек за студентите велосипедисти и пешаци кои веќе неколку дена пешачат и возат кон главниот град за да учествуваат на денешниот голем протест.

Белграѓани ги дочекаа со скандирање, со вувузели и тапани, но и со насмевки, солзи и прегратки пред масовниот протест закажан за денес.

Светските медиуми, како Ројтерс, Тајмс и Сандеј Тајмс, на своите канали на Јутјуб во живо го пренесуваа пречекот на велосипедистите, маратонците и студентите кои пешачеа од цела Србија до Белград за да учествуваат на денешниот протест.