СДСМ: Николовски повторно фатен во лага, немало никакви преговори за Коридорот 8

Тунелот кон Бугарија на дел од пругата на Коридор 8 за Николовски беше слеп тунел и најавуваше нова траса. Одеднаш тунелот прогледа и проектот ќе се прави онака како што беше испланиран од претходно, без измени, соопштија од СДСМ.

„Заплеткан во своите лаги Николовски се обиде да се оправда со тврдење дека на средба помеѓу директорите за железничка инфраструктура на Бугарија и Македонија биле прифатени „три клучни аргументи“ на Николовски за проектот.

И повторно, Николовски е фатен во нова лага. Се работело за технички состанок на којшто се прецизирале само технички прашања за доизградба на прекуграничниот тунел Деве Баир. Немало ниту прифатени аргументи, ниту измени во планот за градба, ништо.

Ова е уште еден шамар за лагите на Николовски и признание за работењето на Владата на СДСМ и стратешките проекти кои реализиравме за граѓаните.

Од историски криминал и коридорите на Бехтел и Енка станаа историски значајни проекти.

Очигледно работата на Николовски се сведува на лажење на народот и фалење со проектите на СДСМ, ништо друго“, се вели во партиското соопштение.