„Поддршка за Украина и напорите за постигнувањето на траен мир. Регионот обединет во заедничката цел“, напиша на неговиот фејсбук профил премиерот Христијан Мицкоски, кој денеска денеска учествува на Самитот „Украина-Југоисточна Европа“ што се одржува во Дубровник.
Поддршка за Украина и напорите за постигнувањето на траен мир. Регионот обединет во заедничката цел.
Самитот го отвори хрватскиот премиер Андреј Пленковиќ, а излагање ќе има и претседателот на Украина, Володомир Зеленски.
На самитот се претставници од 12 држави од регионот, а во состав на македонската делегација, покрај премиерот Мицкоски, е и министерот за надворешни работи и надворешна трговија Тимчо Муцунски.
Ова е трет самит организиран во овој формат. Првиот беше организиран во август 2022 година во Атина, а вториот во февруари годинава во Тирана. Главната цел е искажување на солидарност и поддршка на Украина.
Фото: ФБ Мицкоски