Белорускиот претседател Александар Лукашенко изјави дека Белорусија изврши специјална операција за ослободување нивни државјани во Украина.
„Се случи злобниците да ги држат нашите луѓе, особено возачите на автомобили кои беа таму“ – истакна Лукашенко.
Според него, Украина запленила 1.500 белоруски вагони, автомобили и околу стотина мажи кои возеле камиони.
„Ги предупредив Украинците дека ќе бидеме принудени да извршиме операција за ослободување на овие луѓе. Спроведовме специјална операција и ги ослободивме сите наши граѓани“ – додаде Лукашенко.
Тој не откри повеќе детали, но рече дека веќе му наложил на претседателот на Советот за државна безбедност (КГБ), Иван Тертел, да им додели државни признанија на сите вклучени во оваа операција.