18-годишно момче почина на фестивалот Егзит.
Неофицијални информации велат дека смртта настанала поради прекумерна употреба на разни наркотици.
И организаторите на фестивалот „Егзит“ се огласија по оваа вест. Тие истакнаа дека од итната помош добиле неофицијални информации дека тинејџерот починал во Клиничкиот центар во Војводина откако бил пронајден во бессознание на Варадинскиот мост.
Соопштението на фестивалот Егзит го пренесуваме во целост:
„Со огромно жалење известуваме дека според неофицијалните информации што ги добивме од Итната помош, осумнаесетгодишен млад човек починал во Клиничкиот центар во Војводина, откако претходно бил пронајден во несвест на Варадинскиот мост. Точната причината за смртта ќе биде позната по официјалниот извештај, а се сомнева дека станува збор за прекумерна употреба на разни видови наркотици.
Испраќаме најискрено сочувство до семејството и пријателите на починатиот и нашите мисли сега се со нив. Фестивалот ЕГЗИТ од своето основање силно се залага против секаква употреба на наркотици, на фестивалот и во текот на целата година спроведуваме низа едукативни кампањи и активности на полето на превенцијата и ширењето на свеста за штетното дејство на дрогата и ќе продолжиме да дејствува уште посилно во оваа насока.
Општеството во целина мора да вложи максимални напори да ги едуцира младите и да ги насочи во насока на поздрави животни одлуки. Покрај кампањите кои зборуваат за штетните последици од конзумирањето психоактивни супстанци, неопходно е да се донесат соодветни законски решенија со цел овој проблем адекватно да се сведе на минимум. Употребата на наркотици, како и алкохол и тутунски производи, дигиталната зависност, коцкањето и постојано присутните тешкотии кога станува збор за менталното здравје на младите се само дел од огромните проблеми кои бараат навремена и континуирана реакција од сите елементи на општеството“, се наведува во соопштението.
Да потсетиме, на Петроварадинската тврдина претходно почина тинејџер (17) од Нови Сад, а се сомнева дека смртта е поради прекумерна употреба на наркотици.