Доналд Трамп вчера одржа два говора во кои ги повика христијанските поддржувачи да излезат на гласање и да гласаат за него.
Доколку биде избран во ноември, рече републиканскиот претседателски кандидат на собирот од неколку илјади луѓе на Универзитетот Темпл во Филаделфија, тој ќе и даде „имунитет“ на полицијата да ја врши својата работа и ќе „распредели“ федерални средства за градовите кои се борат против насилството.
Трамп ги отфрли како „лажни“ статистиките на ФБИ кои покажуваат понатамошен пад на стапката на насилен криминал и убиства на национално ниво во првите три месеци од 2024 година и го обвини демократскиот претседател Џо Бајден дека лаже за податоците.
„Под администрацијата на Трамп, ќе го вратиме законот, редот и безбедноста на нашите улици“, рече тој.
Кампањата на Трамп е поттикната од некои анкети кои покажуваат дека тој можеби добива терен со тие гласачи овој изборен циклус.
Како што тоа често го прави, Трамп ги прикажа илегалните имигранти во земјата како опасни и тешки. Тој тврдеше, без да обезбеди докази, дека им ги одземале работните места на афроамериканските и шпанските работници.
Трамп има мали шанси да ја освои Филаделфија, која Бајден ја освои лесно во 2020 година, но тој се надева дека ќе ја намали разликата во регионот, што е клучно за резултатот во Пенсилванија.
Трамп и Бајден ќе се соочат на првата претседателска дебата за 2024 година во Атланта, во четврток.
„Христијаните одат во црква, но не гласаат толку многу. Знаете каква моќ имате ако гласате“, рече Трамп.
Треба да излезете и да гласате. Само еднаш. Не треба да гласате за четири години, во ред? Не гласајте за четири години, не ми е гајле“ – рече тој.