Германскиот министер за одбрана Борис Писториус е решен да ја зајакне борбената готовност на Бундесверот поради заканата од Русија, пренесува германската новинска агенција (dpa).
„До 2029 година треба да бидеме подготвени за борба“, рече Писториус како одговор на прашањата во парламентот во средата.
„Мора да бидеме способни за одвраќање за да спречиме да се случи најлошото“, рече министерот.
Според него, клучни услови за ова се пари, материјални и кадровски.
„Во сериозен случај ќе ни требаат жени и мажи способни за одбрана, кои можат да ја бранат оваа земја“, нагласи Писториус.
Затоа, додаде тој, се залага за „нова форма на воена служба“ која нема да биде „целосно лишена од сите обврски“.
Во Германија, задолжителната воена служба беше суспендирана во 2011 година. Во блиска иднина се очекуваат често објавуваните предлози на Писториус за евентуално повторно воведување воен рок.