Судењето на Урош Блажиќ, кој е обвинет за убиство на девет лица и обид за убиство на уште 20, од кои рани 12, во селата Мало Орашје и Дубона на 4 мај минатата година, денес треба да почне во Вишиот суд во Смедерево.
Во овој суд треба да се одржи прелиминарно рочиште, кое е затворено за јавноста, на кое накратко треба да се изјаснат Урош Блажиќ и неговиот татко Радиша Блажиќ, кој исто така е обвинет.
На прелиминарното рочиште ќе биде дозволено присуство на бранителите, адвокатите на оштетените и обвинителот.
По завршување на прелиминарното рочиште, судијата ќе закаже главна расправа (претрес), каде Блажиќ треба детално да ја изнесат својата одбрана.
Урош Блажиќ на рочиштето во обвинителството се изјасни за виновен, но во своја одбрана не покажа никакво каење за масакрот, туку се обиде да се претстави како жртва на потсмев од жителите на местото каде што го извршил делото, се наведува во обвинението.