🎥Јакимовски за ставањето на црната листа: Директно мешање во изборниот процес во Република Македонија

Градоначалникот на Карпош и кандидат за претседател на земјава, Стевчо Јакимовски на вонредна прес-конференција вели дека бил изненаден од тоа што се нашол на црната листа на САД.

– Како да не сум изненаден кога на 4.јули бев поканет од американската амбасада и стриктно ми беше кажано дека листата е максимално редуцирана и се одеше строго по листа за да не бидат присутни некои кои што тие не сакаат, криминалци или несакани лица да присуствуваат на Денот на американсаката државност. Истото се случи и минатата година. Како поинаку да го сфатиме овој акт на насилие, освен директно мешање во изборниот процес во Република Македонија? праша Јакимовски.

Тој вели дека ова е кривично и казнено дело и мешање на странски разузнавачки служби во изборот на претседател на земјава.

Додаде и дека ќе поднесе кривична пријава против Н.Н. сторител.

– Треба да се утврди кој од македонските „гавази“ ја направил оваа нечесна работа и ја направија тогаш кога видоа дека, во фиоките имаат од оние лажни анкети, меѓутоа имаат и вистински анкети, кога видоа дека на анкетите како стојат и кога видоа дека нивните фаворити само два-три отсто бегаат во однос на Стевче Јакимовски, кој само ја објави кандидатурата и ги собра потписите, вели тој.