Италијанската премиерка Џорџа Мелони изјави дека нема да има проблем со испораката на италијанско оружје во Украина, истакнувајќи дека сите партии од владејачкото мнозинство претходно „гласале едногласно“ за ова прашање.
„Работиме на исполнување на сите меѓународни обврски. Кога силите на десниот центар требаше да гласаат за ова прашање, тие гласаа едногласно бидејќи Италија цврсто и сериозно ја поддржуваше Украина“ – рече Мелони по состанокот на владата, пренесува РИА Новости.
Претходно, некои италијански медиуми објавија дека Рим го замрзнал одобрувањето на следниот, шести пакет воена помош за Киев.