Јужна Кореја вети дека ќе продолжи со обидите за зближување со Северна Кореја

Јужнокорејскиот претседател Ли Џае-мјун изјави дека сака да ја продолжи политиката на зближување со Северна Кореја и покрај редовните покажувања непријателство од Пјонгјанг.

„Преземаме активни чекори за изградба на доверба и да се почувствува Северна Кореја посигурна“, рече денеска јужнокорејскиот претседател на прес-конференцијата по самитот на Азиско-пацифичката економска соработка во градот Гуангџу.

Откако ја презеде функцијата во јуни, јужнокорејскиот претседател направи неколку обиди да започне дијалог со севернокорејскиот лидер Ким Џонг-ун, но тие беа одбиени.

Пјонгјанг повеќе пати ја нарече Јужна Кореја свој главен непријател и минатата година ја запиша таа дефиниција во севернокорејскиот Устав. Ким вели дека не е заинтересиран за дијалог со Јужна Кореја, без оглед на тоа која влада е на власт.