Шкендија денеска ги дознава ривалите во Конференциската лига

Жрепките за Лигата на Европа и Лигата на Конференции ќе се одржат попладнево во Форумот Грималди во Монако, а македонскиот фудбал ќе има свој претставник во Шкендија која по елиминацијата синоќа од Лудогорец ќе ги продолжи настапите во третото по ранг европско клупско натпреварување.

Двете жрепки прв пат ќе бидат комбинирани во една „шоу“, што ќе ја поедностави постапката. Веднаш по извлекувањето на жрепката за Лига Европа ќе уследи и жрепката за Конференциската лига.

Извлекувањето ќе почне во 13:00 часот по средно европско време.

Двете жрепки ќе бидат направени во целосно дигитален формат со користење на истата дигитална технологија што веќе се користеше минатата година.

Шкендија ќе игра против шест ривали, три дома и три на гости.

Финалето на Лигата на Европа е на стадионот Бешикташ во Истанбул, додека финалниот натпревар од Конференциската лига ќе се игра на „Ред Бул Арена“ во Лајпциг.

УЧЕСНИЦИ ВО ЛИГАТА НА КОНФЕРЕНЦИЈАТА: Фиорентина, АЗ Алкмар, Шахтјор, Слован Братислава, Рапид Виена, Легија Варшава, Спарта Прага, Динамо Киев, Кристал Палас, Лех Познан, Рајо Ваљекано, Шамрок Роверс, Омонија, Мајнц, Целје, Риека, Зрињски, Линколн, КуПС, АЕК Атина, Абердин, Дрита, Брејдаблик, Сигма Оломуц, Самсунспор, Раков, АЕК Ларнака, Шкендија, Хакен, Лозана, Универзитатеа Крајова, Хамрун, Ноа, Шелбурн.