Шикорски не ја исклучува можноста Путин да го нападне НАТО
➡ Путин ја нападна Украина врз основа на супер оптимистички претпоставки и гадно се излажа. Но, тоа што не е во состојба да победи во Донбас, а не пак НАТО, не значи дека не може да направи уште една катастрофална грешка, наведе Шикорски за Третиот канал на јавното Полско радио.
Полскиот министер за надворешни работи Радослав Шикорски денеска изјави дека рускиот претседател Владимир Путин „би бил луд ако го нападна НАТО“.
– Путин ја нападна Украина врз основа на супер оптимистички претпоставки и гадно се излажа. Но, тоа што не е во состојба да победи во Донбас, а не пак НАТО, не значи дека не може да направи уште една катастрофална грешка, наведе Шикорски за Третиот канал на јавното Полско радио.
Тој се осврна и на зачестените упади на руски воени авиони и дронови во воздушниот простор на земји-члеки на Алијансата.
– Не знаеме какви се нејзините (на Русија) намери. Но, знаеме што веќе прави. Таа шпионира, го загадува нашиот информативен простор со лажни вести и нејзиниот наратив, користи разузнавачки агенции, испраќа подметнувачи на пожари, испраќа одреди на смртта да убиваат новинари, бегалци од Русија, ги турка бегалците преку нашата граница. Ова е исто така едно од скалилото на скалата на ескалација, посочи Шикорски.
Тој наведе дека Полска е подготвена да соборува руски воени авиони и дронови во нејзиниот воздушен простор, бидејќи тоа е еден од елементите на суверенитетот – државата да ја контролира својата територија и да има монопол.