Генералниот секретар на Интерпол Јирген Стоук изјави дека оружјето испратено во Украина со цел да се одбрани од Русија на крајот ќе заврши во глобалната скриена економија.
Стоук рече дека по завршувањето на војната во Украина, оружјето ќе се прошири на меѓународниот пазар и ги повика земјите-членки на Интерпол, особено оние кои испраќаат оружје во Украина, да соработуваат при неговото следење.
„Кога оружјето во Украина ќе се стиша, ќе дојде илегалното оружје. Тоа го знаеме од другите боишта. Криминалците веќе се фокусираат на нив“, додаде Стоук.
Криминалните организации се обидуваат да ги искористат овие хаотични ситуации и достапноста на оружје, дури и она што го користи војската, па дури и тешкото оружје. Ова оружје ќе стигне до црниот пазар и ќе создаде предизвик.Ниту една земја и ниту еден регион не може да се справи со тоа. „Самите овие криминални групи се глобални формации“, рече Стоук.
„Можеме да очекуваме зголемување на бројот на достапно оружје во Европа и на други места. Треба да очекуваме дека ова оружје ќе заврши во земјите околу Украина, но и на другите континенти“, изјави генералниот секретар на Интерпол.