Шајнбаум: Го отфрлив предлогот на Трамп за испраќање американски трупи во Мексико

Мексиканската претседателка Клаудија Шајнбаум синоќа изјави дека го отфрлила предлогот на американскиот претседател Доналд Трамп за испраќање американски трупи во Мексико за борба против трговијата со дрога.

Шајнбаум рече дека суверенитетот на Мексико не е на продажба.

„Територијата е света, суверенитетот е свет, суверенитетот не е на продажба, суверенитетот се сака и брани“, рече Шајнбаум на митинг во близина на Мексико Сити.