Членови на кабинетот на Пендаровски го решаваат статусот преку Уставниот суд

Денес Уставниот суд ќе решава кој треба да им даде решение за плата на двајца поранешни членови на кабинетот на Стево Пендаровски, генерален и заменик генерален секретар Миле Бошњаковски и Билјана Радева. Тие се жалат дека по смената на претседателот сите се прогласуваат ненадлежни околу нивното право да добиваат државна плата.

Имено, според објаснувањето на Судот, Билјана Радева како поранешен функционер, заменик-генерален секретар на Претседателот на Република Северна Македонија бара од Уставниот суд да одлучи во чија надлежност е одлучувањето по нејзиното барање за остварување на право на плата по престанок на функцијата. Подносителката наведува дека прво од генералниот секретар на Претседателот на Републиката, а потоа и од страна на Собранието и се доставени одговори дека се ненадлежни да одлучат по нејзиното барање. Поради постоење на два акти од две институции со кои се одбива надлежноста за нејзино остварување на право на плата по престанок на функцијата, подносителката бара Уставниот суд да постапи и да утврди законска надлежност на Собранието.Истата сосстојба се повторува и во случајот со Миле Бошњаковски.