Производството на електричниот автомобил „Фиат Гранде Панда“ во Крагуевац е еден од најзначајните датуми за српската економија во изминатите неколку децении, изјави денеска претседателот на Стопанската комора на Србија (ПКС), Марко Чадеж.
Тој посочи дека со „електричната Панда“ во Србија доаѓа технологија, знаење и револуционерни чекори во секторот на и-мобилност (eMobility).
– Ова е сериозна промена за нас. Србија станува една од ретките земји на мапата на производители на електрични возила, а тоа треба да нè радува сите. Ова ќе ги придвижи Крагуевац и Србија на сосема поинакво ниво на развој, истакна Чадеж.
Компанијата ФЦА Србија денеска официјално ќе ја одбележи успешната реализација на проектот во фабриката Стелантис во Крагуевац – воведување нови линии за производство на електричниот модел „Фиат Гранде Панда“.