Хезболах во финансиски проблеми
Либанската терористичка група Хезболах ги известила сопствениците на куќи во јужниот кварт Дахије во Бејрут дека ја замрзнува исплатата на компензација за поправки на домови оштетени или уништени за време на војната со Израел во октомври и ноември минатата година, јави саудискиот весник „Ашарк ал-Авсат“.
Либанската терористичка група Хезболах ги известила сопствениците на куќи во јужниот кварт Дахије во Бејрут дека ја замрзнува исплатата на компензација за поправки на домови оштетени или уништени за време на војната со Израел во октомври и ноември минатата година, јави саудискиот весник „Ашарк ал-Авсат“.
Според весникот, прекинот на финансирањето е последица на недостигот на готовина што го погодува Хезболах, без јасна назнака дали и кога групата ќе продолжи со исплатите, пренесува Тајмс оф Израел.
Саудискиот весник не прецизира која е причината за финансиските проблеми на Хезболах.
Минатата недела, весникот „Ал-Џадид“ објави дека се очекува убиството на Саид Изади, командант на иранските сили Кудс и шеф на единицата задолжена за насочување на иранските средства во Либан, да влијае на финансиската поддршка за Хезболах и неговата способност да плати за обновата на Дахије.
Ова густо населено подрачје, упориште на Хезболах, беше погодено од интензивна израелска воздушна кампања во текот на неколку недели минатата година, како дел од воената операција насочена кон разбивање на Хезболах, по речиси една година секојдневни ракетни напади и напади со дронови.
Во минатото, Хезболах користеше исплати и други форми на помош за да стекне популарност меѓу либанските шиити.