„Никна“ споменик во Русија во чест на лидерот на Вагнер, Евгениј Пригожин.
Се појави споменик на местото каде што загина основачот на групата Вагнер, Евгениј Пригожин. На споменикот го има амблемот на Вагнер, знамето на оваа група и цвеќе.
Пригожин загина на 23 минатиот месец во авионска нереќа кога авионот во којшто патуваше се урна во руската област Твер. Многу странски лидери тврдат дека рускиот претседател Владимир Путин стои зад ликвидацијата на Пригожин, затоа што тој летово направи обид за пуч. Тој тргна кон Москва, но го прекина својот поход. Претходно, Пригожин ги критикуваше руските генерали за војната во Украина, а потоа имаше напад на неговиот камп, каде загинаа триесетина војници од групата. Пригожин во интервју имаше изјавено дека војната не почна затоа што Украина ќе влезе во НАТО, туку за руските елити да го доограбат Донбас.
