Палатата на Република Српска во Бања Лука во понеделникот беше осветлена во боите на руското знаме, поради победата на Владимир Путин на претседателските избори во Русија.
Претседателот на Република Српска – Милорад Додик синоќа на социјалната мрежа Х му го честиташе на Путин петтиот мандат на чело на Руската Федерација.
„Му честитам на претседателот Путин, драг пријател на Република Српска и на српскиот народ, за неговиот нов мандат. Му посакувам добро здравје, сила и истрајност на патот да ја спаси Русија и да донесе мир и подобра иднина на целиот свет“, напиша Додик.
И покрај тоа што Русија има бројни санкции од Европската унија и западните осуди за инвазијата на Украина, а на Додик му беше кажано дека блиските врски со Русија не се компатибилни со европскиот пат, Додик сепак не се откажува од блиските средби со Путин.
Додик се најде и на црната листа на САД и Велика Британија.