Балкан

(ФОТО+ВИДЕО) Трагедија: Две деца се извлечени мртви од урнатините на седумкатница во Турција

Седумкатница се урна утрово во северозападниот турски град Гебзе, во покраината Коџаели, информира гувернерот на оваа провинција, Илхами Акташ. Турските спасувачи извлекоа мртви тела на две деца, а едно лице е пронајдено и извлечено живо од урнатините на седумкатницата.

Од Triling Mk 42

Седумкатница се урна утрово во северозападниот турски град Гебзе, во покраината Коџаели, информира гувернерот на оваа провинција, Илхами Акташ. Турските спасувачи извлекоа мртви тела на две деца, а едно лице е пронајдено и извлечено живо од урнатините на седумкатницата.

Според турските медиуми, петчлено семејство се наоѓало во зградата во моментот на нејзиното уривање. Сепак, спасувачите успеале да ја извлечат жива 18-годишната ќерка на ова семејство.

Сè уште не се познати причините за уривањето на зградата. На местото на урнатата зграда се наоѓаат екипи на полицијата, пожарникари, спасувачи и членови на Администрацијата за цивилна заштита, кои учествуваат во потрагата по преживеани.

Како што изјави турскиот министер за внатрешни работи Али Јерликаја, спасувачката операција ја координираат гувернерот и градоначалникот на Гебзе.

Според него, во операцијата учествуваат 147 спасувачи, вклучувајќи 80 членови на Администрацијата за цивилна заштита, како и членови на волонтерски организации и на општината.

Се користат две обучени кучиња трагачи, осум уреди за откривање на лица заглавени во урнатини, два дрона и 52 возила.

Во Гебзе, град со околу половина милион жители, во 1999 година се случи земјотрес со јачина од 7,6 степени, во кој загинаа 18 000 луѓе