Форе: Француските социјалисти ќе гласаат против владата на Лекорну доколку нема радикални промени
-Преовладувачкото расположение е разочарување... Реалноста е дека сме сведоци на невидена политичка криза, изјави Форе за радио „Франс Интер“.
Лидерот на Социјалистичката партија на Франција, Оливие Форе, изјави дека доколку не дојде до радикални промени, неговата партија ќе гласа против новата влада формирана од премиерот Себастјен Лекорну.
-Преовладувачкото расположение е разочарување… Реалноста е дека сме сведоци на невидена политичка криза, изјави Форе за радио „Франс Интер“.
Форе додаде дека социјалистите би можеле да размислат за промена на својот став доколку Лекорну понуди јасни гаранции за значајни политички реформи, пренесуваат британските медиуми.
Лекорну минатиот месец стана петтиот премиер на францускиот претседател Емануел Макрон за две години, откако парламентот го отстрани Франсоа Бајру поради неговите планови за буџетски кастрења од 44 милијарди евра во следната година.
Премиерот Лекорну синоќа назначи 18 министри на новата француска Влада.