Урсула фон дер Лајен – претседателката на Европската Комисија пристигна во Киев, во Украина, на средба со украинскиот претседател – Володимир Зеленски. Таа на Твитер објави фотографија на која излегува од Владата во главниот град на Украина.
Во Киев со Фон дер Лајен е и високиот претставник на Европската унија за надворешна политика и безбедност Жозеп Борел.
Тој претходно напиша на Твитер. „На пат кон Киев“.
Минатиот месец словенечкиот премиер Јанез Јанша заедно со премиерите на Полска и Чешка – Матеуш Моравјецки и Петер Фиала беа првите странски лидери кои го посетија Киев по почетокот на руската инвазија на 24. Февруари годинава.