Гувернерот на Флорида, Рон ДеСантис денеска потпиша закон со кој на децата помлади од 14 години им се забранува пристап до социјалните мрежи и бара согласност од родителите за 14 и 15-годишни деца да ги користат овие платформи.
Освен тоа, законот налага да се укинат постоечките сметки на деца под 14 години, како и на деца на 14 и 15 години кои немаат родителска согласност, пренесе Ројтерс.
Претходно, ДеСантис стави вето на нацрт-законот со кој на сите деца помлади од 16 години ќе им се забрани користење на социјалните мрежи, додека во изменетата верзија, родителите на деца на возраст од 14 и 15 години може да дадат согласност за нивно користење на социјалните мрежи.