Македонскиот фудбалски клуб Вардар по вчерашниот шокантен пораз од Воска Спорт со 1-3 на домашен тен, денеска останува и без стручен штаб.
Оставка си поднесе тренерот Горан Петрески, заедно со неговите помошници.
Петрески ја презема одговорноста за лошите резултати на „црвено-црните“ и реши да го напушти клубот по двата порази во низа.
„Јас и мојот стручен штаб ја преземаме одговорноста за двата порази во низа и од денес повеќе нема да ја извршуваме тренерската функција во клубот. За Вардар секогаш сум го давал целото свое срце, така беше и овој пат, жалам што сета таа љубов и посветеност не ги донесе посакуваните резултати“ – изјави Петрески.
Вардар по четири одиграни кола се наоѓа на делба на последната позиција во Првата македонска лига, има само три освоени бодови.