Фото-кино клубот „Козјак“ од Куманово, во соработка со Котур Филм и Кафе, вечер ќе ја претстави есенската ревија на кратки филмови од ФИЛМАЈ фестивалот, во просториите на Котур.
На програмата се осум кратки филма од различни земји, со вкупно времетраење од два часа. Публиката ќе има можност да ги погледне „Бабушки“ и „Девет сантиметри“ од Русија, „Синкопат“ и „Вон сезона“ од Шпанија, „Фортисимо“ од Франција, „Сигнализација“ од САД, „Импровизирана земја“ од Венецуела и „Мајсторот“ од Австралија. Влезот е бесплатен.
ФИЛМАЈ фестивалот, кој постои од 2019 година, се позиционира како платформа за промоција на кратки форми и независна продукција, а оваа ревија ги обединува селекциите од изданијата во 2022 и 2024 година.