Макс Ферстапен е победник на трката за Големата награда на Австралија, видовме една хаотична трка која дури трипати беше прекинувана со црвено знаме.
Првиот прекин се случи на стартот, Ферстапен имаше послаб старт и ја загуби позицијата, пред него беа Расел и Хамилтон. Набрзо потоа дојде црвено знаме откако Албон излета и стујардите проценија дека трката треба да се прекине за да се исчисти песокот од патеката.
Chaos. Chaos?! 🤯
An absolutely insane race restart in Australia 🙃#AusGP #F1 pic.twitter.com/hjGrjWBixS
— Formula 1 (@F1) April 2, 2023
Од тој момент следуваше доминацијата на Ферстапен, Расел се откажа поради проблеми со моторот, се откажа и Леклер по првиот круг поради инцидент. Следните два прекини се случија во финишот.
Магнусен удри во заштитната ограда и на два круга пред крајот повторно беше кренато црвеното знаме. Хамилтон ја искористи ситуацијата да се доближи до Ферстапен. Само што продолжи трката, повторно следуваше прекин и ново црвено знаме.
По целата тензија на крајот Ферстапен не ја испушти предноста, Хамилтон заврши зад него, а трет беше Фернандо Алонсо. На четвртата позиција заврши Строл, а во топ десет се уште: Перез, Норис, Хулкенберг, Пиастри, Гуани и Цунода.