У21: Македонските фудбалски надежи славеа против Гибралтар со 2-0

Младата фудбалска репрезентација на Македонија до 21 година во последниот натпревар од септемврискиот циклус квалификации за пласман на Европско првенство 2025 успеа да забележи победа со 2:0 над селекцијата на Гибралтар.

Избраниците на селекторот Драги Канатларовски ја остварија третата победа во рамките на групата Ц од овие квалификации.

И во првиот натпревар помеѓу овие две селекции во Скопје, на националната арена „Тодор Проески” Македонија беше подобра тогаш со минимални 1:0.

Ване Крстевски во 24 минута ја доведува Македонија до предност, по одличното проигрување од Адеми. А вториот погодок беше дело на Адеми во 42 минута.

Македонија У21: Алчевски, Деспотовски, Рамадани (78. Ангелов), Стојчевски, Џеков, Николов (90. Мелиќи), Фета (66. Чилафи), Крстевски, Исаки (45. Ѓорѓиевски), Трпчевски (90. Рамани), Адеми.