Премиерот Христијан Мицкоски и лидерот на опозициската СДСМ Венко Филипче утре во 14 часот ќе имаат средба во Владата.
-Согласно јавната комуникација и упатените иницијативи и демонстрираната подготвеност од двете страни, за утре во 14 часот е закажана средба меѓу премиерот Христијан Мицкоски и претседателот на СДСМ, Венко Филипче, посочуваат од Владата.
Од СДСМ ја потврдуваат информацијата.
Денеска лидерот на СДСМ, Венко Филипче, истакнувајќи ги темите за кои смета дека треба да се разговара на лидерска средба на претседателите на политичките партии, рече дека најпрво треба да оствари тет-а-тет средба со премиерот Христијан Мицкоски бидејќи, како што рече, тој прв подал рака и одговорил дека средбата е прифатлива.
Филипче: Слушајќи го алармот на граѓаните предлагам концепт за нов општествен и политички дијалог
Филипче рече дека на тет-а-тет средбата со премиерот најпрво треба да се разгледаат темите, дури потоа и за начинот односно методологијата како, доколу се договорат на овие теми, би работеле и би се спровеле во пракса.
Тој очекува во фокусот на средбата да бидат разговорите околу образованието, здравството, правосудството, заштитата на животната средина и партизацијата во институциите. Тој додава дека трагедијата во Кочани ги освестила системските слабости и дека е крајно време сите политички чинители да почнат да работат заедно за доброто на државата.
Премиерот Христијан Мицкоски изјави дека е подготвен да го прими на средба лидерот на СДСМ, Венко Филипче, во кое било време доколку навистина има план за подобрување на состојбите во државата и сака да помогне.
Мицкоски е подготвен да го прими Филипче доколку навистина има план и желба да помогне