Украинските власти објавија дека нападнале рафинерија во близина на Москва

Украинската армија на социјалните мрежи објави дека нападнала руска рафинерија во близина на Москва, во регионот Рјазан, „како дел од напорите да се намали способноста на непријателот да лансира ракети и бомби“.

Рускиот гувернер на Рјазањ, Павел Малков, изјави дека руската ПВО соборила 25 украински беспилотни летала над регионот во текот на претходната ноќ.

„Предизвикан е пожар во просториите на компанијата“, но нема повредени, изјави рускиот гувернер на Телеграм, без да даде други детали.

Овој напад доаѓа еден ден по големите руски воздушни напади врз станбените простории во Киев, каде што, според последните податоци, загинаа седум лица.

Четири лица беа убиени во украинските напади на југ.