Хрватската полиција на прес-конференцијата ќе ги изнесе деталите од кривичната истрага на Лука Буразер и Еуген Траваљ, кои беа уапсени ден претходно под сомнение дека измамиле поголем број граѓани кои инвестирале и тргувале со криптовалути.
Двајцата уапсени се сопственици на пропаднатата компанија за трговија со криптовалути BitLucky, а во вторникот вечерта во медиумите беше објавено дека се уапсени од полицијата и одведени во кривична истрага.
Тие, наводно, биле уапсени во Риека, по налог на општинското државно правобранителство во Риека, а се сомничат дека измамиле инвеститори вредни десетици милиони евра.
Инвеститорите на компанијата за трговија со криптовалути BitLucky на крајот на август предупредија дека овој случај трае со месеци, посочувајќи дека станува збор за најголемата крипто измама во овој регион.
Буразер последен пат ги контактирал преку е-пошта на 18 мај, информирајќи ги дека „ја довел компанијата во состојба на криза“. Оттогаш му се губи секаква трага, но на 30 јули даде интервју за Јутарњи лист, во кое ги отфрли обвинувањата, но не ја откри локацијата.
Инвеститорите истакнаа дека стотици од нив поднеле кривични пријави.