Уапсена 30-годишна жена, украла пари од казиното во кое работела

Уапсена е 30-годишна жена од гостиварско, од казиното каде што работела одзела пари.

– На 10.10.2025 во 21:40 часот во Гостивар, полициски службеници од ОВР Гостивар ја лишија од слобода М.П.Ј.(30) од с.Волковија, гостиварско, постапувајќи по пријава од менаџерка во казино во Гостивар дека при контрола во казиното констатирала дека во касата фали промет од 816.297 денари и дека вработената М.П.Ј. си префрлила електронски кредит и ги потрошила парите со кои играла на апаратите, информираа од полицијата.

Таа е задржана во полициска станица и по документирање на случајот, против неа ќе биде поднесена соодветна пријава.