Туристите во Грција добија предупредувачка порака за невреме

Туристите во Грција добија предупредувачка порака за претстојното невреме.

– Цивилна заштита, Грција 3.9.2024. Опасни временски услови во регионот на Филијатес. Избегнувајте патувања кои не се неопходни. Бидете во состојба на будност и следете ги упатствата за заштита – се наведува во пораката на Министерството за климатски кризи.

Регионот Филијатес, кој се наоѓа на северот на Грција и се граничи со јужна Албанија, ќе биде под влијание на низок барометриски притисок кој доаѓа од западна Европа. Овој притисок најпрво ќе ја погоди Теспротија каде властите веќе алармираа поради тешките временски услови.

Најавено е невреме според прогнозата на Националната метеоролошка служба, во среда се очекува нестабилно време.

Повеќе области ќе бидат зафатени со невреме, додека во другите делови ќе биде сончево. Попладне и навечер се очекуваат локални врнежи од дожд во Јонското Море и континенталните предели, а во континенталните предели повремено невреме.

Во вечерните часови повторно ќе се развие облачност во Јонското море што ќе доведе до локално невреме.

Температурата нема значително да се промени. На копното ќе достигне од 33 до 35 Целзиусови степени