Трилинг најава: Од европеизација, бугаризација, орбанизација до изолација

Во најновото издание на емисијата „Трилинг“ ќе гледате: Во какво време живееме? Поминавме низ фазата на заробена држава, хибриден режим. Дали сега на патот кон ЕУ ќе се соочиме со квалификација на „изолирана земја“?

Ќе имаат ли нашите западни партнери уште трпение за нас? Излажана ли е Македонија од Европа?
Факт е дека секогаш кога сме удирале во ѕид во меѓународната политика, внатрешната политичка ентропија ни се менувала на полошо.

Колку ВМРО-ДПМНЕ и Мицковски имаат одговорност да не западнат во исто она во кое западна Груевски?

Македонија е единствената држава од поширокиот регион која што нема закон за заштита на информациските системи. Како да се заштитиме и колку правиме да се заштитиме од хакерските напади?

Во новото издание на „Трилинг“ ќе разговараме со Љупчо Бубо Каров, мултимедијален уметник и добитник на наградата 11 Октомври, Ненад Марковиќ, универзитетски професор и Стефан Андоновски, министер за дигитална трансформација.