Американскиот претседател Доналд Трамп изјави дека оваа недела ќе разговара со својот украински колега Володимир Зеленски. Тој потврди и дека неговиот специјален пратеник за Украина, Кит Келог, наскоро ќе ја посети земјата.
Говорејќи пред новинарите во Белата куќа, Трамп не даде конкретни датуми.
Портпаролот на Зеленски изјави за француски медиуми дека Келог ќе пристигне во Украина на 20 февруари – само неколку дена пред третата годишнина од инвазијата на Русија.
Американскиот претседател го задолжи својот пратеник да развие план за што побрзо завршување на војната во Украина.