Тинејџер со украдено возило прегази момче, се обидувале да снимат видео популарно на социјалните мрежи

Момчето Б.Т. (15) трагично загина утрово во српскиот град Бечеј кога друго момче го прегазило со автомобилот во кој двајцата се наоѓале, неофицијално дознава порталот „МојБечеј“.

Според неофицијални информации, момчињата пронашле автомобил „голф 4“ со клуч во бравата, кој го украле и се обиделе со него да снимаат видеа популарни на социјалните мрежи.

Петнаесетгодишниот Б.Т. бил прегазен, а момчето кое го возело автомобилот побегнало од местото на настанот.

Со оглед на неговата возраст (14 години), тој е кривично неодговорен и не е предмет на кривична одговорност.

За целиот случај известени се надлежното обвинителство и Центарот за социјална работа, кои согласно законот ќе преземат понатамошни мерки, а полицијата ќе продолжи да ги истражува сите околности на овој настан.