Тинејџер, 16 годишен, кој носел нацистички симболи во пукање во две училишта во Бразил уби четири лица, од кои тројца починаа на местото на нападот, а наставничката подоцна починала од повредите, соопштија надлежните.
Властите во градот Аракруз, во државата Еспирито Санто, соопштија дека некои од 10-те ранети, вклучително и тројца наставници и еден ученик, се во тешка состојба по нападот во петокот што ја шокираше земјата која бележи пораст на престрелки во училиштата во последните години.
„За жал, трагедијата на Аракруз сè уште не е завршена“ – рече гувернерот Ренато Казагранде.
„Со длабоко жалење ја потврдуваме смртта на уште една жртва, професорката Флавија Амбос Меркон“ – напиша на Твитер гувернерот, кој прогласи тридневна жалост во Еспирито Санто.
Напаѓачот е поранешен ученик на државното училиште кое прво го нападнал, пукал во група наставници, убивајќи две лица, а ранил уште девет други.
Тој е уапсен и ќе се соочи со обвиненија за убиство и тешко убиство во обид, соопшти полицијата.
Официјални лица рекоа дека напаѓачот, син на полицаец, употребил два пиштоли во нападот, и двата регистрирани на неговиот татко.
Едното му било службено оружје, а другото приватно регистрирано оружје.
Казагранде рече дека се чини дека момчето внимателно го планирало нападот.