![](https://triling.mk/wp-content/uploads/2024/05/policzija-albanija.jpg)
Вистинската драма се одвивала ноќеска во албанскиот град Драч каде маж (40) ги земал во заложништво неговите две деца на возраст од 6 и 11 години и почнал да пука со калашников.
Алекс Марку (40) испукал неколку истрели во станот, по што преплашените соседи повикале полиција.
На местото на настанот набрзо пристигнале бројни полициски екипи, а по неколкучасовни преговори полицијата утрово успеала да ги спаси децата и да го уапси осомничениот.
Се започнало синоќа околу 2 часот и 20 минути, кога вознемирените соседи повикале полиција и рекле дека некој пука внатре во зградата.
При увидот на лице место било констатирано дека пукањето се одвивало во стан под кирија. Утврдено е дека Алекс, кој живее во Леж, изнајмил стан на седум дена и таму ги донел своите две малолетни деца.
Полицијата неколкупати го повикала Алекс да ги пушти децата да се предадат, а тој одбил и со калашников пукал низ прозорецот.
При рацијата во станот полицијата пронашла калашников, поголема количина муниција и 18 чаури.
Според полицијата, децата биле спасени и не се повредени.
Во овој момент не е познато зошто А.М се решил на овој чекор.