Студентите од Универзитетот во Ниш тргнаа пеш кон Белград на протестот што ќе се одржи на 15 март, од манастирот Манасија кај Деспотовац.
Најавено е дека студентите ќе пешачат прво до Свилајнац, потоа до Смедеревска Паланка, Пожаревац, Смедерево, Баваниште, Панчево и до Белград.
Студентите кои се пријавиле да патуваат до Белград со велосипед ќе тргнат на протестот в понеделник на 10 март.
Велосипедистите ќе патуваат по патеката што води од Ниш преку Вукашиновац, Крушевац, Мрчајевци, Чачак, Горњи Милановац, Љиг, Лазаревац и Обреновац, до Белград.
Од манастирот Манасија тргнаа околу 500 студенти.