Српскиот премир Милош Вучевиќ утре во посета на Скопје

Премиерот на Република Србија Милош Вучевиќ утре со владина делегација ќе ја посети Република Северна Македонија каде ќе оствари средба со премиерот Христијан Мицковски, а ќе се потпише Меморандум за разбирање и соработка во областа на гасот.

Според соопштението од Владата на Р. Србија, српскиот премеир ќе биде пречекан во 10:00 часот пред зградата на Владата на Северна Македонија, по што ќе следи тет-а-тет средба меѓу премиерот на Северна Македонија Христијан Мицкоски и премиерот на Република Србија Милош Вучевиќ.

По средбата на двата премиера, предвидена е средба на делегациите на Владата на Северна Македонија и Владата на Република Србија. Потоа ќе се потпише Меморандум за разбирање и соработка во областа на гасот помеѓу Министерството за рударство и енергетика на Република Србија и Министерството за енергетика, рударство и минерални суровини на Република Северна Македонија.