Владата на Србија денеска од седница во палатата „Србија“, на која ќе присуствува и претседателот Александар Вучиќ, ќе испрати барање до меѓународната воена мисија на Косово за враќање на српските безбедносни сили, пишува „Новости“.
Според медиумите, владината седница на која ќе се расправа за барањето ќе се одржи вечерва во 20 часот. По седницата на Владата, во 21:00 часот ќе се обрати претседателот на Србија.
„Вести“ објавија дека ќе биде испратен документ, чии клучни детали беа објавени во понеделникот, и дека Србија има апсолутно право да испрати такво барање, имајќи предвид дека ниту КФОР ниту ЕУЛЕКС не направиле многу за заштита на српскиот народ на Косово.
Шефот на германската дипломатија Аналена Бербок и пратеникот на американскиот претседател Габриел Ескобар изминатите денови се изјаснија против ваквата идеја на Србија.