Србија набавува нов суперкомпјутер

Канцеларијата за ИТ и е-управа на Владата на Србија и француската компанија „Евиден“ денеска во Белград потпишаа договор за HPC (суперкомпјутер) и развој на вештачка интелигенција, јави дописникот на МИА од Белград.

Вредноста на договорот е 50 милиони евра.

На настанот присуствуваше и претседателот на Владата во технички мандат Милош Вучевиќ.

Тој оцени дека потпишувањето на тој договор се покажува дека државата создава можности научниците уште побрзо да работат на своитете проекти, како и да добијат подобра и поголема поддршка.
Според него, целта е дека почетниците, и оние кои размислуваат да отворат приватен бизнис, треба дополнително да се охрабрат да донесат таква одлука, а оние кои веќе работат на развивање на сопствен бизнис тоа да го прават побрзо и поуспешно.

„Ова значи и дека ќе можеме да го спроведеме проектот за дигитализација на медицинската администрација, така што луѓето помалку ќе бидат оптоварени со документација кога одат на лекарски прегледи, ќе биде многу поедноставно, од закажување прегледи до дијагностика, со заштита на личните податоци“, рече Вучевиќ.

Дел од аранжманот, е поврзан со развојот на вештачката интелигенција, апликативните алатки што треба да и помогнат на Србија да биде успешна во различни сектори, од енергетиката, транспортот и развојот на паметни градови.

Србија веќе има набавено еден суперкомпјутер што се наоѓа во Дата центар во Крагуевац.