Оливер Спасовски денеска подари новогодишни пакетчиња во рамките на настанот “Подари пакетче, подари радост” организиран од страна на Форум на жени СДСМ Куманово.
„Нема поискрена радост од детската, па секогаш е посебно задоволството, во име на Дедо Мраз, да се споделат новогодишни пакетчиња за да се израдуваат најмладите“, напиша Спасовски на својот профил на Фејсбук, споделувајќи и фотографии од настанот.
Тој додаде дека во духот на социјалдемократските вредности на солидарност, хуманост и грижа за најмалите, бил организиран настанот “Подари пакетче, подари радост”, од страна на Форум на жени СДСМ Куманово.
„Заеднички да поттикнеме радост и топлина за најмладите во овие предновогодишни мигови“, порача Спасовски.