Претседателката Гордана Сиљановска Давкова вчера во Велес рече дека директно не ја слушнала полемиката за потрошувачката кошничка во македонското Собрание помеѓу министерката Гордана Димитриеска Кочоска и пратеничката Славјанка Петровска, туку ја гледала подоцна.
Сепак ставот на македонската претседателка е дека пратениците и пратеничките во Собранието мора да ги одмеруваат зборовите со кои меѓусебно се обраќаат и дека не е лошо да има извинување.
За телефонскиот разговор со претседателот на Бугарија, рече дека со Радев ќе се сретнат во Бугарија. Сиљановска Давкова порача дека е поканета и ќе присуствува каде што се надева дека ќе се разговара со бугарскиот колега и за македонско-бугарскиот проблем.