Синот на Трамп, Доналд Јуниор, по Белград оди во Софија
По Белград, синот на американскиот претседател, Доналд Трамп Јуниор, оди во Софија за да ѝ даде поттик на економската соработка меѓу САД и Бугарија. Во Софија на 27 април ќе се организира форум наречен „Trump Business Vision 2025“ во организација на крипто компанијата Nexo.
По Белград, синот на американскиот претседател, Доналд Трамп Јуниор, оди во Софија за да ѝ даде поттик на економската соработка меѓу САД и Бугарија. Во Софија на 27 април ќе се организира форум наречен „Trump Business Vision 2025“ во организација на крипто компанијата Nexo. Предизвиците на вештачката интелигенција (ВИ), иновациите, финансиите ќе бидат некои од водечките теми на настанот, за кој во Софија пристигнува синот на американскиот претседател Доналд Трамп – Доналд Трамп Jуниор.
„Настанот е целосно фокусиран на бизнисот – без политички елемент или дипломатски разговори. Меѓу поканетите се водечки претставници на бугарскиот бизнис, меѓународни бизнис лидери, како и истакнати Бугари кои имаат клучни позиции во светските технолошки компании“, изјави за медиумот „Медиапул“ Елеонор Генова, директор за комуникации во компанијата.
Бугарија е една од светските жаришта за финтек. Таму има најмалку 163 компании кои работат во овој сектор – на оваа тема ќе се разговара на форумот.
Во областа на финансиите, криптовалутата е во фокусот на политиката на американскиот претседател Доналд Трамп. На почетокот на март, тој објави дека Соединетите Држави ќе создадат стратешка крипто резерва. Самиот Трамп пушти почетокот на 2025 и сопствен мемекоин $TRUMP.
Во својата анализа, „Фајненшл тајмс“ тврди дека крипто проектот на Доналд Трамп заработил најмалку 350 милиони долари. Сопругата на Трамп, Меланија Трамп, исто така, лансираше свој мемекоин, $Melania.
„Оваа стратешка посета е уште еден чекор кон градење мостови меѓу Бугарија и Америка и ја нагласува нашата амбиција да ја ставиме земјата на глобалната бизнис мапа“, истакна претставникот на Nexo.
Обсъдени бяха двустранните отношения между САЩ и Сърбия, с акцент върху икономическото сътрудничество и потенциални съвместни проекти.
На 11 март 2025 година, Трамп Јуниор се сретна со српскиот претседател Александар Вучиќ во Белград. Се разговараше за билатералните односи меѓу САД и Србија, со акцент на економската соработка и потенцијалните заеднички проекти.