Силно невреме ја погоди Романија, загинаа пет лица

Пет лица загинаа во источна Романија, а десетици други останаа заглавени во поплавените подрачја, соопшти денеска итната служба.

Телата се пронајдени во месноста Пецеа, Драгусени, Костаче Негри и Кород.

Спасувачките служби се бореа да спасат 95 луѓе во тешко погодените источни области Галати и Васлуи. Хеликоптер е распореден во Галата за да помогне во потрагата и спасувањето.

Невремето погоди 19 места во осум окрузи во Романија, при што силните ветрови урнаа десетици дрвја кои оштетија автомобили и ги блокираа патиштата и сообраќајот.

Романскиот премиер Марсел Чолаку денеска го откажа своето патување во областа Галати.

Невремето и големите поплави ги погодија Чешка, Полска, Австрија, Германија, Словачка и Унгарија за време на викендот.