Силна бура со град предизвика штети во централна Словенија и Љубљана

Централна Словенија, вклучувајќи ги Љубљана, областа Врхника и Лог, беше зафатена од силна бура со град што започна во саботата попладне, објавија словенечките медиуми.

Според РТВ Словенија, невремето било проследено со силни ветрови кои корнеле покриви и кршеле дрвја. Порталот „Метеоинфо Словенија“ на Фејсбук објави дека градот бил со големина на орев, а на некои места се наталожила толкава количина што морала да се расчистува со лопати. Се проценува дека е причинета и значителна штета на земјоделските парцели.

Хидрометеоролошката служба на Словенија соопшти дека времето ќе се стабилизира и дека денеска ќе биде релативно сончево, со утрински температури од 7 до 13, а максимални до 16 Целзиусови степени во словенечка Истра.